أبو سمير مدرس متقاعد، يسكن بعمارات الصالحية، متفائل حيل:من تگله المليشيات هي الي باگت مصفى بيجي، يگلك ميخالفهمه الي حرروه من داعش، ومن تگله الفساد واصل للذيل يگلكإدعي من الله يصلح الأمة، وهاي مرحلة وتعدي، ومن تناقشهعلى الكهرباء والبوگ، وعطل المحولات الصينية، وعجزالوزارة، يگلك اصبر والله مع الصابرين، ولابد يجي يوم تنصلحالكهرباء بعد صلاح الأمة.
البارحة خابر أبو سمير، رافع الراية البيضه، وگال خلاص يأست، ماكو صلاح، ولا إصلاح الا الله يكلبها بينا ونخلص. يابهعلى كيفك شنهي السالفه، گال:جيراني عنده التهاب مزمن بالحويصلات الرئوية، فما يگدريتنفس طبيعي بالحر والعجاج وزادت عليه الحالة بهاي الأيام الحارة وقطوع الكهرباء، فودته مرته قبل (٣) أيام للمستشفى،خلوه على جهاز الاوكسجين، البارحة إجتني وگالت الحگلي،طلعوا جبار من المستشفى يگولون ماكو كهرباء تخلي الجهازيستمر بالشغل فاخذوا مريضكم لا يموت عدنه، ودبروا حالكم،فبعت حلقة الذهب مال زواجي واشتريت الجهاز والدبات، هسه انوب المولدة بدت تنگطع، فأريدك تجي وياي على صاحبها بلكت يلگيلنا چارة، يمعود راح يموت جبار، فرحت وياها ونخينه أبوالمولدة، گال إبشروا هاي سهله وهسه أحلها، راح أجرلكم خط(٢٤) ساعة وعلى حسابي، وفعلا بساعة جر الخط، وهسه جباريتنفس زين والحمد لله. صفن إشويه وكمل: الشغلة الي تعجز الحكومة عن حلها ويحلها مشغل مولدة، خلتني أيأس وأگول ماكوفايده وحچيكم صح وآني الغلطان.