يبين المظاهرات مثلهة مثل الثورات، الي يخططون الهة جماعة، والي ينفذوهة جماعة، والي يحصدون نتائجها جماعة أخرى، فالمظاهرات الي تسبب بيها التقصير والفساد ونفذها الشباب والمثقفين والفنانيين، ولما أثمرت بشكل معقول، طلعوا بهاي الجمعة في بغداد جماعات أخرى احنة نكول مو على البال ولا على الخاطر، بس لا همة متربصين وعدهم قوة وفلوس، نزلوا وسط المتظاهرين، حاولوا ازاحة الشباب بالقوة والاعتداء عليهم، حتى يركبون الموج ويجنون الفوائد، وقد يروحون بعيد، يعني يطالبون بمطالب جديدة مو معقولة، يحرجون بيها رئيس الحكومة، وينهون دور الشباب، القادرين وحدهم على ادارة التظاهر بعقلانية وكفاءة... فهل يكدرون الشباب يعيدون السيطرة ويطردون المتطفلين والفاسدين؟. نعم يكدرون اذا ما أرادوا!.