خلصت سنة هجرية ومثلها خلصت ميلادية، سنين تروح وتجيواحنه ما شايفين منها شي، وبدل ما نشوف خلونه نحاسب نفسنه ونتحاسب، بلكت السنين الجاية تصير احسن وبيها نتبدل:عشرين سنة محافظات استبيحت، طلعت من جسم الوطن،ورجعت خراب.نازحين ومهجرين ومهاجرين شافوا الضيم، وأكلوا وحل باديهم الاثنين.الفقر زاد والجوع زاد، والشگ بثوب الوطن هم زاد.إنصفگْ مرة وإنشتم ألف مرهَ، نكتل مرة وننكتل مية مره.نحچي ونذم وننتقد، ونرجع نبوّسْ عگل، وهم الهم ننتخب.نحابي هذا الجار، ونكره ذاك الجار ونحرّمْ ونْحرَمْ عليه، ونذب الصوچ على الأمريكان ومنهم نقبض المقسوم.چلبنا بعباية المومن، وبصاية الشيخ، وغيرنا من الفروض والسنن وتيهنا المشيتين.فقيرنا يتجاوز على أملاك الدولة، يگول حلال، وسياسينا يبوگأموال الدولة وهم يگول حلال، واثنينهم يصلون ويحجون ويطبخون ويمشون ويخمسون، حتى يدخلون الجنة، وتاليها خلواجنتنا ما تشبه ذيچ الجنة، ودينا غير الدين الي جا بيه محمد،ودولتنا صفت مو دولة، علمها ينحرگ وينداس، وناسها تحرگ سفارات الدول من غير أساس، واحنه مثل التايهين واحد يجربالطول وواحد يجر بالعرض، وشْيِعهَ وضايع راسها.. عشرينسنة مو كافي عاد:معقوله كل هذا الوكت نبقى تايهين، معقولة مو احنه السبب باليصار. معقولة كلنا نطب الجنة لأننا نگول لا اله الا الله.