الشباب گاعدين بشقة رسول بمدينة الشعب يشربون، عوزوّا،وضلوا حايرين، وبهيچ مواقف يزيد العتب، وكلمن يگوم يذب الصوچ على الثاني، واحد گال مو گتلكم خلي نچيّلْ گبل محرم.الثاني بعصبية گال: ولك شتچيل اذا الجماعة يبدون تسابيج گبل الشهر أسبوعين، وتواديع بعده أسبوعين، وانت تچربع تچربع اشلون ينفع المچيل.ضحك رافد وگال انتو ليش شايلين الهم، وما مواكبين السوگ وماصار بعد ما منعت الدولة المشروب، وزيدتْ الدوريات، انتظروال اني احلها وانتم گاعدين بمكانكم، فالتفتوا عليه وگالوا اشلون؟تربع وخابر إسماعيل، طلب نص أوزو وست قواطي بيرةمجرشه.رد عليه: حاضر، بس تره الأسعار زادت، لأن جايبين دورية جديدة بالمنطقة، وكلما يجي جديد يشدد علينا الى أن ندهن السير،ثم احنه شعلينه الحجي هو يحدد الأسعار، واحنه علينا التوصيل،وهو الي ينطي وينسق ويسكتْ أكبر راس، وخوما ينطي من جيبها عتيادي يضيفها على القوطية والبطل فتلگاها يومية تزيد.بعد خمس دقايق طبگ التكتك، نزل إسماعيل شايل المسواگ،صعد للشقة أخذ فلوسه، فسأله رسول أگلك شبساع وصلت،فجاوبه:احنه أربعه نغطي طلبيات مدينة الشعب، والبضاعة بالتكتك واقرب واحد يوصلها بساع، والحجي ما مقصر ويانه ينطيلواحدنا صافي بالاسبوع نص مليون، لذلك نفتر براحتنه، وحتى بمحرم لا تديرون بال.نب لطفي وگال بارك الله بتجارتكم وربنا يرزقكم من أوسع الأبواب!!