يجي الحچي بين حين وحين على التراث والآثار واشلون الدول والشعوب تحافظ عليه، وتحميه بقوانين محلية ودولية، وأثناءالحچي بالگهوة، واحد من الگاعدين، جاب طاري منارة جامع السراجي بأبو الخصيب، وگال هاي المنارة عمرها فوگالـ(٣٠٠) سنة فحرامات يهدموها بحجة توسيع الطريق، ومن بعده صار الحچي مقارنة بين العراق ودول العالم بهذا المجال، فدخلأبو عبير بالنقاش، وگال لعد خلي أسولفلكم سالفة تشبهها صارت بالسويد: قبل كم سنة رادوا يوسعون الطريق الأوربي الي يقطع السويد من الطول للطول، واجهتهم مشكلة بيت لفد واحد شايب يصير بصف الطريق، والقانون يحتم أن تكون البيوت على مسافةعشر أمتار على الأقل من حافة الطريق، رادوا يگصوه، رفض الشايب، وما قبل أي تعويض، استمروا يفاوضوه أربع سنين،عرضوا عليه يبنوله بيت جديد بأي مكان يريده، گال أبد، وآخرشي طاحوا عليه وگالوله يابه ننقل بيتك مثل ما هوه وبحديقته وأشجاره عشر امتار، گولوا وافق واجتي ثاني يوم المكاين والمهندسين، حفروا جواه وخلوا سكلات، وبشهر واحد نقلوه لمسافة عشر أمتار، وما ذبلت ولا شجره، ولا فطر واحد من الاساسات، ولمن كمل أبو عبير سالفته گال:عجب ربعنه بالبصرة ما نقلوا المنارة الي تحچون عنها وهي محمية بقانون المحافظة على التراث، بله لو ناقليها مو چان حافظوا عليها، وتفادوا اثارة النعرة الطائفية باعتبار الجامع محسوب على السنة.
واحد من الگاعدين گال من كل عقلك يسووها، تلگه فد مسؤولبالمحافظة من دا يناقشون الموضوع گاللهم يا منارة هاي هي چمحجارة فخلها تولي.