أبو رامي تنحنح بالگعدة، وگال أگلكم تره هواي من ربعنه كلاوچية وسوگ الكلاوات ببلدنا هو الي ماشي بهذا الزمان وبذاك، والله اليعلم يجوز بكل زمان، فانتبهوا عليه الگاعدين وگلوااشلوووون: گال آني أشتغل بالعقود والمبايعات مال وزارة الدفاع،فد يوم دز علي الوزير، وصاير عصبي، گلي أمس باجتماع مجلس الوزراء وأثناء مناقشة التوجيهات الخاصة بتشجيع المنتج الوطني، عتب وزير الصناعة على الدفاع وگال احنه ننتج ونصنع لكن محد يشترى انتاجنا، وفعلاً إذا احنه وغيرنا ما نشتري ونشجع، لعد اشلون تتطور الصناعة، وختم حديثة: روحواللصناعة، وناقشوا إمكانية تأمين حاجة الجيش من منتوجاتهم.يگول رحنه ورحبوا بينه وگالوا إجيتوا بالوكت المناسب، امشوا نروح للمعرض الي بيه المنتجات العسكرية، وشفنه المعروض،وطلبنا نماذج للفحص وبدينه نفحص، وتبين الخوذهَ مالتهم تنثقب بطلقة جاية من بعيد، ودروعهم تنزرف بطلقة مسدس من قريب،والبسطال نفس البسطال معروض بالسوگ صناعة صينيةوأرخص بعشر تالاف.علي واحد من الگاعدين أخذته الحميّة وگال أيباه، جماعة التصنيع باقين كلاوچية، لأنهم بذاگ الزمان جمعوا سيارة من بقايااولدزموبيل وگالوا هاي انتاجنا، ودگوا صدرهم للحكومة وگالولهانگدر نزيد مدى المدفع 57 ملم حتى ينوش الطيارات الامريكيةالي منجْمه بالسما، واشحدها بعد تهوبْ ناحيتنا، وبدوا يطولون السبطانة باللحيم، وأخذوا المكرمات حسب الأصول، ولمن
صارت الحرب وية الامريكان رمت المدافع على طياراتهم، وماطولت بالرمي دقايق وتملصت السبطانات، بعد اشلون تصير الكلاوات.