بالعالم علموا حمامة تلعب منضدة، ودولفين يفجر الغام بحرية،وچلب يجيب المسواگ، ومطي ما يروّث وين ما چان ولا يزگط الجيران، وربعنا عشرين سنه ما تعلموا اشلون يحلون مشكلةالكهرباء، ولا تعلموا يحچون الصدگ، أو يدگون رجل ويگولون لا:كل سنة وگبل الصيف يطلعون السياسيين المسؤولين من مكاتبهمالحلوه نافشين الريش، يصرحون ويوعدون ويگولون كملنه إدامةكل محطات الكهرباء وصارت صاغ سليم، وأضفنه هلگدللكهرباء، وسددنه ديون الغاز مال ايران، وصيف هاي السنه مومثل ذاك الصيف.وجانه الصيف يلعلع، وتبيّنْ الطاس نفس الطاس، يبدي القطع وتبدي البرمجة والحر واكلان الوحل، وتبدي ايران تضغط علينابقطع الغاز، حتى نسدد الديون، وأمريكا تخنگنه من الزردوم ماتوافق على تسديد الديون، ذبونه الاثنين بنص سويّرهَ يفرون بينهكل أيام الصيف، ومن ينتهي الصيف يطلعونه منها تعبانين،دايخين، حيرانين، ما گادرين نگول ليش، ولا بينا حيل نطالب بمحاسبة المسؤول الي استورد محطات كهرباء غازية واحنا ماعدنا غاز، ولا بمحاكمة الي وقع عقد ويه إيران وبقالها الحق بقطع الغاز اشوكت ما تريد، ولا عدنه الواهس بلوم مسؤول ما
فكر ببديل للغاز الإيراني الغالي، ولا گدر يلوي اذراع الامريكان ويگلهم خلونه براحتنه نمشي ويه الخوال لآخر المشوار.رحم الله الممثل نجاح الموجي الي عرفها وگال:أنا لو بعلم في بهيم كان فهم!!!!