حبيب من هو زغيّر طماع وسختچي، يا دوبك خلصت خدمته العسكرية بعد حرب الكويت، ما ولمن ما لگة شغل راح يبيعويشتري بالعتيگ، مشت وياه الشغلة فاشترى عربانه، وجابلها مطي من خواله ببلاش حتى يجرها، وصار يفتر بيها بمناطقبغداد الرصافة، ويوميه چان يفوت بمنطقتنا يم جسر الصرافية،وصوته يلعلع من عنده عتيگ للبيع، ويا دوب كل ذاك الفر سوالهراس مال بحدود العشر ملايين دينار يداور بيه، وفد يومبالحصار، نزل الدولار فجأة، وصارت العشر ملايين الي ما چانيگدر يشتري بيها چم ثلاجة عتيگه أمس، اليوم تجيبلهَ سيارة،فطفر حبيب واشترى محل وگام يبيع لنگات بقطاع تسعين،وإجتي بيده، وأول ما إجتي، تزوج على مرتهَ وحدهَ من المشخاب، وگلب تجارتهَ ويهَ نسابته تمن عنبر، وزادت فلوسهَ وصار من يجي عاشور يطبخ خمسين جدر، حتى ذاع صيتهَ بين الرايح والجاي، ومن ذاع الصيت تزوج الثالثة. وفد يوم بعد الاحتلال شفته يمشي بالكسرهَ، بنص نعال ومهدل الزيج، أول مرةعبالي مخبل، تقربتْ منهَ گتله حبيب شجاك، گال أول مره تعال شربني چاي وأسولفلك قصتي، وبعد استكان الچاي گال وسو لي الشيطان، ردت أزيد فلوسي بعد، فاشتريت بيوت مال مسفرين ومهاجرين وانطيت بالفايز، وبعد الاحتلال تبين أكثرها مزورة،وإجوني أهلها وأخذوها مني وراح الخلف والخلفوني، ومن سألته بربك مو چنت تدري بيها مزورة؟ سكت ما جاوب.
سألته والنتيجة؟. گال نسواني كلهن هَدنْ عليَّ وأخذن الباقي وسربتني، وهسه عايش عالصدقة، گتله تدري الي يعيش بالحيلةيموت بالفگر. گال شيفيد الحچي.