الإنگليزي أبو ناجي شد حيلهَ وراح يركض للقطب حتى يكتشفهَوما گال توكلنا على الله. والعم سام الأمريكي صعد طيران للقمرحتى يشوف شكو بيه واچماله ما گال الحمد لله. والدب الروسي خش جوه البحر يدور شكو بيه وهو بالأصل كافر ما يعرف رب العالمين. والياباني البوذي هدموا بيتهَ على راسهَ بالحرب العالمية الثانية، وبخمس سنين عمّرْ كل البيوت، وصار أقوى من گبلوهو بالأصل ما يعرف شي عن الدين.أما الأخ العراقي بأمانة العاصمة فتسجل اله بجدارة اكتشاف(يخلي فراغات أرقام بالصادر والوارد)، حتى يرجع يستخدمها من يخَيوزْ، عرف بهذا الاكتشاف أخوه العراقي مقاول چبيرو منتچي على سياسي أكبر، وبعد الاكتشاف اجه على صالح موظف الصادر والوارد، گله إطلب شتريد ودخلي بالوارد عقد مال سيارات خدمية للامانه من گبل سنتين.خاف صالح وگله عمي آني گلبي رهيّف وما عندي سند فروح للچبير وشيؤمر آني آسوي، وبعد چم يوم جا المدير برجليه لصالح وبيده العقد والاوليات، طلب بصيغة أمر أن يسجل العقد بالوارد، وأصل العقد تشغيل مئات اللوريات، بملايين الدنانير لمدةسنتين صارت بحدود خمس مليارات واشويه، قبضهن من غير ما
يحركْ سيارة، انطه للمدير حصته، وحصل صالح على كتاب شكر.يگولون النزاهة وبعد سنة اكتشفت الشغلة، والأمانة كل الي سوته نقلت المدير، وبالنهاية تسجل الاكتشاف العراقي لفراغات الصادر والوارد من أعظم اكتشافات هذا العصر.