أبو تحسين يدعي ديمقراطي، وبگعده ربع كلهم ديمقراطيين وكباربالعمر، بداها أبو رامي وگال:ما أدري يا جماعة الخير، وضعنا بالعراق صدگ يحيّر، لأن أكومن يگول كل هذا الي صار ودا يصير بهذا الوكت هو انتاج ذاك الوكت، يعني الي گبله، والأخطاء الي ارتكبوها أهل گبل أسست لأخطاء هذا الوكت.. أخذ صفنه وكمل: لكن آني أگول، الوضع الحالي مفصل فصال علينه، فاسد من البيضة، وجابولنه الأمريكان شعيط ومعيط يحكمونا وهمه لا فهم ولا علم.أشو أبو تحسين گب، وگال: أگلك لا تدخلنه بسالفة الدجاجة منالبيضة لو البيضة من الدجاجة، ليش هو شعيط ومعيط هسه جابوهم، لو همه موجودين من گبل، ليش حسين كامل مو چانجندي وصار وزير دفاع هذا شيسموه مو اشعيط، وعلي حسن المجيد مو رئيس عرفاء آلي وصار فريق أول ركن وعضو قيادةقطرية ووزير دفاع، هذا مو امعيط، والحزبيين الي نطوهم رتبو صاروا ضباط مو أغلبهم من جماعة جرار الخيط، وأگلك ترهكل الي صار هذوله اتكلوا على سوابق ذولاك وبدوا ينطون
ويوزعون ويأسسون، ولو ذولاك ماشين عدل ومأسسين صح كانبيّنْ خطأ أهل هذا الوكت كلش زين، وما چان أحد انتخبهم.رد أبو رامي بعصبية، يابه دروح منين تجيب هذا الحچي، وگام على حيله يريد يعوف الگعده، لوما يتدخل سليم الي گال: بربكم ماتگدرون تگعدون وتتناقشون بهدوء وتقبلون الرأي حتى لو مامتفق ويه هواكم، لعد اشلون تطالبون بالديمقراطية.