مدري تضحك مدري تبچي مدري تعوف كل شي، وتگعد مگنبص بسد اللگن لا تتحرك ولا تمشي، حتى تسمع زين وتشوف اشلون حكومتنا الأبية تريد تصالح بين الروس والاوكرانيين!! وتسأل نفسك ليش لا، علواه يأخذ هذا البلدالمتطور، المستقر، المترفه، الآمن على عاتقه جهود الصلح بينالدول والأقوام، وبالمرة يفكلنا عقدة العداوة والانتماء بين تايوانوبين الصين، لأن محد گدر يفكها ويقارب راسين بالحلال لحد
الآن، وعلاواه نمشي بطولنه ونحس احنه ننتمي لبلد قوي، العالميقدره ويحترمه، ويسمعله كلام حسب الأصول.لكن عمي روحوا الأول اصلحوا نفسكم وعمروا بيتكم، وصالحوابين عشايركم الي صار عشرين سنة تتعارك بيناتها بالبصرةوالناصرية، وبالگرنه وجرف الصخر وأبو صخير حتى العالميگول عليكم والله يابه متحضرين ومحترمين، ويسمع كلامكم منتريدون تدخلون طرف بالصلح بين الدول والأقوام، وهم ميخالف عوفونا من العشائر بله ذوله عاميهم الجهل والجشع والقبلية اليما ترهملها چاره، روحوا صالحوا بين السنة والشيعة، الي عبالكعدهم دينين وعيدين وعدهم من الطرفين مئات يشتمون بالصحابةوآل البيت. يابه هم نعوفلكم الدين لأن مطلوب يبقى بيه الشتمو الاختلاف تجارة وراها هواي مستفيدين، روحوا على السياسةصالحوا بين الاطار وبين التيار، خو ذوله من نفس المذهبوالدين يفترض سهل صلحهم بالعيد، وقربوا بين الحزبين الكرديين الي أهدافهم وحده وگاعدين يتهاوشون حد اللسع بالبسكوت.. عمي لا تروحون بعيد، ولا تشوفون نفسكم أكبر منحجمكم، مددوا رجليكم على گد لحافكم ترة والله واكفه على گرنثور.