العراق وبعد ما طلع من دولة القائد الأرعن العليّة، ودخل بدولةالجهل والفساد الديمقراطية العلية، صرنه نشوف من تمطر ببردالعجوز، أو بالمربعانية ينطون عطلة، وما يفكرون اشلون يسوونمجاري، وخزانات ويداورون المي للزراعة والشرب وغسلالهدوم.
ومن تگب العجاجة ينطون عطله، لاهمه الي حسبوا تجريف البساتين وگص الأشجار الي وگعولها دگ، ولا راح يدورونبالعالم اشلون يتعاملون ويه العجاج.ومن يحتفل مكوّنْ من هاي المكونات، بمناسبة من المناسبات،ينطون عطلة، وما كلفوا نفسهم جمعْ كل هاي المكونات، والاتفاق على أيام محددة لعطل محددة تجمعهم تحت راية الوطن الواحد.ويوم ميلاد الولي والتقي والإمام والسيد ينطون عطله،ويتسامحون بيوم قبل العطلة، وبعدها بيوم، ولمن تمر مناسبةوفاته، طبيعية چانت أو استشهاد هم ينطون عطلة، وبالأربعينيعاودون العطلة، واشحده الي يحچي، وفنه الي يگول تعالوا ندقق بالتاريخ صدگ الولادة والوفاة چانت بذاك اليوم لو غير يوم.ومن تصير الزيارة، ويا ما أكثر الزيارات ينطون عطلة، ومنيمشون لإحياء ذكرى واقعة، ينطون عطلة، ومن يرجعون منها تعبانين يريدون عطلة، وما يگولون ثواب الزيارة شخصي لصاحبها، والأجر على گد المشقة.تدرون لو يطلعلنا عاقل وجريئ، يحسب العطل بالسنة، واشگد تكلف الدولة العلية فلوس وجهد كان لطمنه على روسنا.ولو اللطم على الراس يگولون حرام.