چانوا العرب من يتيه لوحده من قبائلهم بعير بالصحراء وتلگيه قبيلة أخرى سارح ويه بعارينهم، يعرفوه هذا عايد ليا قبيلة، ومنيجي اليوم المناسب يرجعوه لقبيلته الاصلية. وچانوا ولد ذولاك العرب يعرفون الأثر الماشي بصحرائهم منو صاحبه، ومن ياقبيلة ووين رايح ومنين جاي، لذلگ گدروا يعيشون بصحاريهم،
رغم الظروف الصعبة، والأجواء غير المناسبة لمعظم السنة،ويستمرون آلاف السنين.لكن شجاهم أحفاد ذولاك العرب أو شجاهم العراقيين تدخل الهمطيارات هليكوبتر ومسيرات، تروح وتجي، خري مري، تضربوت طلع، ومحد يدري بيها، ولا يعرفون عنها شي، ولوما توگع وحده من هاي الطيارات، هليكوبتر ما چان احد عرف بيها، ولاأحد حچة بالموضوع، يومين هاي الطيارة الواگعة بمناطق دهوك وميتين بيها كم واحد ومحد يعرف المن تابعة ومنين جاية وليونرايحة، وخلف الله على قوات سوريا الديمقراطية (قسد) وبليا حسد، گالت يابه لا تدوخون تره الطيارة تابعه النا، وتحمل قادةبمكافحة الإرهاب من عدنا رايحين الى إقليم جنوب كردستان(يعني كردستان العراق) للتنسيق وتبادل الخبرات!!معقولة هيچ أجوائك يا عراق مستباحة؟ ومعقوله راداراتك ودفاعاتك الجوية ما تغطي أو ما مسموحلها تغطي قسم منمناطقك؟ لعد اشلون تأمن الأجواء، واشلون تديم وحدة الدولة؟هاي أسئلة ومثلها هواي عن شكل العلاقة بين المركز والاقليم،الي من مصلحة الدولة والاقليم أن ينعاد النظر بيها، وتتنظم بشل فيدرالي صحيح يأمن للأكراد حقهم بإدارة مناطقهم، ويأمن للدولةحقها في أن تكون دولة موحدة.