لمن وزيرة بالدولة العلية تطلع بمقابلة عيني عنك، وبكامل أناقتها،وقواها العقلية وتگول اتصلتْ بالتحالف الدولي يعني الأمريكانعلى شغلة تخص وزارتها، وتگول بعدها خابرني رئيس
الوزراء(الكاظمي) يهددني، ويگلي تريدين تحرجيني ويهالأمريكان، تخيّلوا اشلون وزاره هذي الي بيها:وزيره تتعنه للأجانب تتصل بيهم، تشكيلهم همها، وظلم الحكومةالي هي عضوه بيها، تمثل نفسها والمرأة والطائفة. خو روحيلدولته واحچيله، طگ بطگ، وصدگي لو مسويتها، كان بالعكسطيب خاطرك، وما خلاچ تطلعين الا وانتي راضيه عليه وعلىحكومته وجميع المسلمين، لأن هو يدري كلش زين أنتي مرشحةجهة مليشياتية تذبح بالگطنه، والرجال عنده تجربة ويه اليذبحون،خلته يتودد ويداخي وما يواجه القوي الى يوم الدين، ستراتيجيةبالتعامل مع الأقوياء، إعترف بيها العالم، وصنفها العلماء فريدهمن نوعها وما الها مثيل، حتى سمواها باسمه وخلولها عنوان(المداخاه في زمن الملاواه).وبيها رئيس وزراء، يهدد وزير عنده، ولو الموضوع ما يخش بالعقل، لأن بلا ما يهددچ ويحرگ أعصابه، چان يگدر يطگچ بمادة الاتصال بجهة أجنبية حكمها إعدام، يخليچ دايخه وتفترين بمكانك، تتذكرين أيام العز، ومجلس قيادة الثورة الى شرع المادة،لمثل هيچ مواقف نضالية.على كلً، هاي صورة من صور هواي لشخصيات مرتب حكوماتنا المتعاقبة، تخلينا نخجل من نفسنه گدام نفسنه، ونترحم على الي گال: من قلة الخيل شدوا على الچلاب سروج.