مظاهراتنا هنا تختلف عن مظاهرات العالم هناك:هنا ما تعرف الجهة الحقيقية وره المظاهرة ولا مطالبها الصدگ.وهناك مبين هذا الحزب طرح مشروع، يتظاهر حتى يسوّقْه أويضغط حتى لا يتسوق غيره.هنا لازم أكو عنف، فالمتظاهر زهگان، ما عنده شي يخسره،يسحگ كلمن يحاول يوگفه، والحكومة ما تعرف غير تقحمقواتها، ومن تنلاص تگول دگوهم دگ، نعلة والديهم، والقوات مامتدربه ولا فاهمه، أغلبها لابسه الحنديري.وهناك أكو قوات خاصة لمكافحة الشغب، وأكو قوانين يخضع الهاالمتظاهر والشرطي، واشحده الي يتجاوز عليها حتى لو محسوبعلى كتلة صابرين.هنا التظاهرات مثل الثورات الي يخططون الها جماعة، واليينفذوها جماعة، والي يحصدون نتائجها جماعة غير الجماعة،وخسائرها مفتوحة، ولأنها مفتوحة فتحت باب رزق للعاطلين ومنفذ فساد لبعض الخايبين، أبسطها يمر بالمظاهرة وهو مومتظاهر، يجرح إيده بموس لو يطبر راسه بقامه ويصيح آخضربوني، يدفع فلوس لو واسطة، يسجل اسمه ويه المتضررين ويحصل على تعويض أو راتب.
هناك ماكو شي مضموم، الشرطي الي ينصاب هو بالواجب،والمتظاهر المصيوب يحققون ليش انصاب، والقضاء المستقليجيبله حقه ليمه.كل هذا يصير هنا لأن أكو سياسيين حطوا بوزهم بالمظاهرات يريدون يحرفوها عن غاياتها الديمقراطية، وينهون حرية التعبير،حتى يبقون وحدهم يصولون بالساحة ويجولون.