بعد سنة من سرقة القرن أبو حسام يسأل ويگول يا جماعة الخيرسرقة القرن (مليارين ونص دولار) الي خبصونه بيها، اشصارمنها؟انكشفت حقيقتها لو طمطموها الربع مثل غيرها من السرقات؟عرفوا خيوطها وين تودي، لو گطوعها وتاهت علينه الشليلة نصليل؟والسيد نور بطلها المقدام وين حده بيه الدهر بعد ما طلع بكفاله؟فهمونه يمعودين بعده بالعراق يتنعم بأمن وعدالة أهل العراق، لوطلع بره يودع المبيوگ ويه المبيوگ ويكمل امبراطورية نورلاعادة الاعمار؟وأبو حسام بعد ما كمل أسئلته يگول:من حق العسكري حامي الوطن بالدم يعرف شنو الي صار.ومن حق العامل والفلاح والچرخچي والبگال وكلمن انتخب، أوما انتخب يعرف الحقيقة والي دا يصير.كل ذوله وغيرهم من حقهم يعرفون، ويقارنون بين قضية نور الييبين چنها تاهت بطريق التطمطم، وبين قضية المگرود حيدرالزيدي الى ما ناموا الليل طول اسبوعين الى أن حكموه (٣)سنوات سجن لانه أهان الدولة
لعد البوگ مو اهانه؟واطلاق سراح الحرامي العتوي، وسجنْ الناشط الشاب مو اهانه.لعد ليش تلومون الناس من تشتم بيكم الليل مع النهار؟