بس عند أمريكا وغالب الدول الغربية، أكو صلاحية للقضاء يسوي اتفاق مع القتلة والحرامية والخونة والزنادقة واولادالحرام، إذا رجع واحد منهم البوگة الي يصعب ترجيعها، أو أذااعترف بذنبه ليگدام بقضية الأدلة بيها مو قوية وتاب توبهنصوحة، أو إذا أدلى بمعلومات تهم التحقيق والقضية، وتربطبقضايا أخرى مهمه ومصيرية، يخففون الحكم عليه، أو يودوه الىسجن اموره أحسن من غيره، وذولاك يسوها لأن ما عدهم طبيعةيعتقلون واحد أو يذبوه بالسجن گبل من يهيؤون الدليل عليه،وقضائهم عادل وحاد مثل السيف، أما عدنه بالعراق ومن يوم ماصار عراق، وصار عنده قضاء ما سمعنه اتفق ويه حرامي
مثبتين عليه بوگة، دا يسوي وياه اتفاق بعد ما يرجع بس خمسه بالمية من هاي البوگة الي من كبرها سموها سرقة القرن.لذلك من طلع المؤتمر الصحفي بالتلفزيون للحكومة مو للقضاءوقسم من فلوس البوگة مسلفنه ومعروضة على الجانبين، گلنه مامعقوله هذا الحرامي العتوي يطلعوه حتى يرجع باقي البوگة، خوجيبوله كاتب عدل للسجن يسويلكم وكاله، أو صدروا أوامر حجزللأموال والأملاك الي اعترف عليها ولموها على كيفكم، لذلك الناس گبت وخلت بيها إنّة.والإنّة الأكبر من هاي الإنّة وذيچ الإنّة يگولون الفلوس الي طلعن بالصورة وهمه دا يرجعوها للمصرف انباگ منها (١٨) ملياردينار بالطريق.. عاد ما ندري صدگ لو بيها إنّة.