عساها ببخت جدك سيدنيا.السيد جوحي
يجوز تصدگ واحد يگلك أكو ذيل چلب، حطوه أربعين يومبالگصبة وصار عدل ومثل الورد، وتقنع نفسك أنو فعلاً عدّل.ويجوز تصدگ خبر جاي من الصين يگول أكو ديچ هراتي عدهمگام يبيّض، وتقنع نفسك بطفره جينية سوته شاذ عن ربعه، وصاريبيّضْ.ويمكن تصدگ واحد يگلك عبعوب أمين العاصمة السابق ببغدادراح يرجع أمين عاصمة لاحق حتى يسويها أحسن من دبي،ويبرد الشوارع احسن من التبريد الي سوته قطر بملاعبها لكأس
العالم، وتقتنع حسب الأصول أنو كل هاي الغيبة دا يحضروهللعودة الميمونة، وما بقى شي لبغداد حتى ترجع الأحلى والأحسنبالمنطقة والعالم.لكن اشلون تصدگ أنو السيد جوحي مدير مكتب الكاظمي رئيسالوزراء السابق قابض هو واثنين وياه مية مليون دولار من شركةآسيا سيل حتى يمشيلهم تقنية الـ (G4) الي المفروض ما تمشيالا تدفع للحكومة (٢٤٣) مليون دولار، وتسدد الضرايب المطلوبة للدولة أكثر من ستمية مليون دولار، حسب ما ظهربرنامج أحمد ملا طلال.صعب تصدگ من تسأل نفسك، اشلون سواها؟ واشلون يقبلرئيس وزراءه يسويها؟ ووين وده حصته الخمسين مليون؟ وإذامسويها بالفعل لعد اشگد مسوي مثلها؟ وترجع لنفسك وتگول إذاهذا الحچي صحيح مثل ما گال الشاهد دابان بالمقابلة والي صعب يتصدگ، فندعوا من الله يجيّحْ امواله وأموال ربعه بحيث يگومون يگدون تالي وكت.