لمن واحد يوصل بالرتبة لواء وبالمنصب مدير عام بأعلى جهاز استخباري، ووياهن مدير عام أكبر مركز عملياتي لرئاسةالوزراء، وفوگاهن اليد اليمين لرئيس الوزراء، ويطلع تاليها أكبرفاسد بالبلاد، فهاي مصيبه، والمصيبة الأكبر الرجل سيد وربعهيحلفون براسه، حتى من حچوا عليه أول مره ما صدگنه، لكنتبين بعدها إحنا غشمه، وتبين ما يبقى شي مضموم من يطيح البعير وتكثر سچاچينه، وقبل كم يوم من طاح هذا البعير تقدمواحد من اللازمين سچينه أم الياي ويركض وراه، وگال تره السيد
الموسوي، بدت عليه الاعترافات تدلي من الگشمندية مالته، وبليلةالمطرة مال ذاك الأسبوع إعترف الگشمندي (ع) على بيت منبيوته السريه، وقبل ما يداهموه گاللهم عوفوا كلشي بالبيت،وروحوا على القاصة الضخمة الموجودة بغرفة النوم التحتانية،افتحوها وشوفوا البلاوي، والجماعة ما چذبوا خبر راحوا بذاكالليل، وأخذوا وياهم خبير فتح قاصات وفتحوها، ولگوا بس فلوس نقد عشر ملايين دولار، غير سبايك الذهب، ولگوا وياهاوصولات عن هدايا مقدمها السيد عربون محبة لفنانات مشهورات كل وحدة كيلو ذهب، ولگوا كتب رسمية لتمرير مئات التانكرات لتهريب النفط ومئات التريلات لتهريب الأغنام والهوش، كلها بتواقيع من عنده.طبعاً هاي الكتب الرسمية أكيد بيها اشاره لموافقات من فوگ،وأكيد الفوگ والي وياه والي داير ما دايره عدهم حصة وهم عدهمقاصات، وإذا بس بهاي القاصة وبهذا البيت لگوا هلگد فلوس لعدبباقي البيوت اشگد أكو فلوس، واشگد حصة الأبي من هايالفلوس.. عساها ببخت جدك سيدنيا.