چبير النزاهة لو سبع وازلمة ليل، ما چان استقال لمن صارتالحديدة حارة، وطلعت ريحة البوگ وعدم النزاهة بعد سرقةالقرن، لأن هيچ استقالة، وبأيام صعبه تفسرها الناس وحده من:لو شبع فلوس وجاه، وگال الحمد لله والشكر خليني أستر علىنفسي، وأگعد على صفحة.
لو هو مقصر بشغله، وبسبب هذا التقصير، گال مالي خلگالجماعة الجاين توز، خليني أبند على صفحة الى أن يتبين الخيطالأبيض من الأسود.لو اجاه تهديد من صماخ من الصماخات المشتركة بسرقة القرن،وگاله تره أذبحك انت وعائلتك اذا استمريت بالتحقيق وجبتطاريي، فگال عمي شلي بهاي البلشة، خليني أستقيل وأطبگعلى صفحة چافي خيري شري.لو چان هو بالأصل ضعيف وعرف فجأة أنو هو ضعيف، ومايگدر يگايش بوحله غميجه، فگال خليني افلت گبل ما أغرگ.ويجوز أكو أشياء غيرها مو على البال.لكن ومهما تكون الأسباب، فالاستقالة بهيچ وقت مو صحيحة،وتقديمها وقبولها بين النا أنو اختيار الأشخاص للمناصب بعراقناغلط.واقتصار التعيين بهاي المناصب على الأحزاب غلط.وتسييس بعض المناصب منها النزاهة أكبر غلط.لأن أي قاضي يجي من الأحزاب يرأس النزاهة، صعب يكوننزيه، والي جايبيه همه بالأصل جابوه حتى يسهل الهم عملياتالبوگ، ويطمطم المبيوگ.