حسين عسكري وكمل جامعة، راح الخميس للدائرة حتى يضيفالشهادة على الراتب، يگول طبيت على القلم، لگيت ثلاثة
يسولفون، گلت خليهم براحتهم هي دقايق أصبر عليها، لكنهاطولت، فأخذني الفضول ردت أشوفهم شيسولفون، بلكتعالسياسة، فتقربت منهم، ولا چنهم حاسين بيَّ ولا باثنينمراجعين اجو بعدي، ولن الموضوع الي دا يحچون بيه عالباگله،واحد يگول من تطگ فوگها البيض تصير عبالك لقم، والثانيأعترض وگال عمي أصل أكلة الباگلة دهن حر يتفرگع علىالخبز عبالك دا تاكل لحم طلي هرفي، والثالث، يگول غير انتم ماضايگين باگلة أبو ماهر، ما قبل الأول عالحچي لأن باگلة حجيقدوري هي الأصل، ورجع الثاني يشرحلهم على باگلة الكاظميةودرابينها الشعبية، ويأكد لو تضوگوها يمكن يوميه تتعنون ليهناكحتى تاكلون باگلة وعليها بيض مال عرب.حسين يگول الله لا يچذبني بقينه على هالديدان قريب الساعة،وكلما أريد أقاطعهم بلكت ياخذون معاملاتنا، ما يديرون بال،ففكرت وگتلهم انتو نسيتوا أكلة الباگلة منين جايه، شنو رأيكمتجون وياي باچر للحلة وأشوفكم الباگلة على أصولها، انتبهوا،انوب شيخلصني، لأن گبوا عليَّ: شنو انت تتمهزأ علينا، وعلماقنعتهم ياخذون معاملاتنا انتهى الدوام، واجيت يوم الأحد، ودختبسالفة أخرى ودوامة النموذج، والحاسبة العاطلة، المهم ما أطولهاعليكم ضليت أراجع اسبوع ياله طلعت منهم لرئيس القسم، ومنوراهم كرهت الشهادة والباگلة، واليوم الأسود الي بيه نراجعموظفين همهم الباگلة.