لو أعرف منو يدير مطار النجف كان سلمت أمري الى اللهالواحد الأحد؟...أكيد مو نجفيين أصليين، لأن النجفيين معروفينصناعيين جيدين من الزمن الي چانوا بس همه يصنعون بدنالسيارات النيرن، والنجفيين تجار من خيرة تجار العراق، وحتىتجار الشورجة ببغداد كانوا كثير منهم نجفيين، أما بالثقافة والأدبوالسياسة والفن، فما نحتاج نروح بعيد بس نتوقف عند الجواهريالشاعر الأعظم في القرن العشرين.هذا المطار يحيّرْ صاير مثل عمليتنا السياسية، تطلع من وجعهدا توگع بوجعه، فبعده ما طلع من قضية الطفل المگدي الي صعد
للطيارة الإيرانية، وگع بدگة الرجل الي وصل ايران من غير ختمالخروجيه، والدگة الثالثة يوم گبت العجاجة، وعلقوا الطيران، (بلهالتعليق مسأله فنية ولو تصير أكثر شي بالعراق، بسبب قلةالوسائل المساعدة بالمطارات، وضعف تدريب الطيارين بالأجواءغير الطبيعية)، ومن علقوه من زردومه، كان ركاب الطائرةالإيرانية الرايحة الى طهران وصلوا قاعة المغادرة، گعدواينتظرون، يسألون، وكل واحد يجاوب شكل، وطارت الطيارة اليبعد طيارتهم، وتاليها اجاهم موظف يابه اخذوا جنطكم وروحوالبيوتكم، ورَجْعُوا فلوسكم من المكاتب الي حجزتوا منها، ولمنسألو ليش ما تطيرونه، والطيارة البعدنه طارت، جاوبوهم، لأنطيارتكم طارت فارغه.لعد لمن فارغة ليش ما اخذت الركاب؟ ولمن الركاب ما يطيرونبسبب خارج ارادتهم، غير شركة الطيران تضيّفهم، الى أنتطيّرهم، حسب القوانين العالمية؟ لو مطار النجف أيري يشتغل بكيفه: عجيب أمور غريب قضية!!!