الي طلعوا مظاهرات، والي ما طلعوا، طالبوا بتعديل الدستور.والسياسيين الي يحكمون والي ما يحكمون، سوو نفسهماستجابوا لهاي المطاليب وشكلوا لجنة بالبرلمان لتعديل الدستور.
راحت أيام وإجتي أيام وهواي من العراقيين ما ينسوون،ويومية يسئلون شنو الي صار من لجنة تعديل الدستور.أبو محمد متابع الموضوع زين، يفتهم بأصول السياسة والدين،جاوب الي دا يسئلون، والي راح يسئلون، وگال:يمعودين والله لا تروحون بعيد، ترة الجماعة مو يمكم ولادايرين بال الكم، موضوع تعديل الدستور إنسوه، وقضيةالانتخابات المبكرة شيلوها من بالكم، كلشي ما راح يصير واللجنةالي شكلوها للتعديل واللجان الي صارت گبلها والي تجي بعدهاضحك على الذقون.الي يسئلون رجعوا يسئلون، ليش؟.الرجل جاوبهم وگال أولاً همه مستفيدين وگاعدين بربيع وماهامهم شي، وثانيا تره المعنيين بالتعديل أغلبهم أمورهم مو باديهم،تجيهم الأوامر من برة وهمه ينفذون، والي بره، يريدون الأمورتمشي على نفس السكة الى ماشين عليها الى نهاية الدورةالانتخابية الحالية، وتالي يحلها الحلال.وتعتقد راح يحلها الحَلْال؟ْ.الحَلْالْ، الله سبحانه وتعالى ومن أول ما خلقنا انطانا عقل يفكرويحلل ويستنتج، وأبقى الحل والربط بادينه، يعني مرهون بقدراتهذا العقل، بس المشكلة هو وين أهل العقل.