أكو مثل عراقي يگول من شسمه.... كفت رجلها، يعني ما تفيدكفة الرجل بعد ما تطلع الريحة، وهذا المثل الي ينگال بالچفصات،جا عدل على بيان فخامة الرئيس، بعد چفصة العفو الرئاسي عنتاجر المخدرات السيد جواد لؤي الياسري، والي يگول بيه (وجهرئيس الجمهورية بإجراء تحقيق على أوليات إصدار المرسوم،وستتم معالجة أي خلل قانوني مترتب) معناتها، فخامته موقع على
المرسوم من غير ما يتأكد منه قانونياً، ودون أن يدري هيچيجرائم دولية ما يجوز بيها العفو، ومن غير ما يعرف أن طلبالعفو تقدم بنفس اليوم الي استقال بيه الوالد، محافظ النجف حتىيجي بمكانه غير والد، ومن غير ما يوچد أن المرسوم صدر يومالخميس، وشافه وزير العدل، وهمش عليه، وانجزوا كتاب التنفيذلاطلاق السراح يوم الجمعة، الي اعتقد هو عطلة رسمية حسب مايگولون.شني هاي القدرة الإلهية بالاستثناء، والسرعة بالتنفيذ لجهازحكومي سرعة تنفيذه، مثل سرعة السلحفاة، خلونا من السلحفاة،والنوايا السيئة والحنث باليمين، والتجاوز على الدستور، وعدمتقدير الضرر على المواطن المغدور، والآهات، وخلونه نروح علىعدم فهم كبارنا للقانون والدستور، وعلى عدم دراية المستشارينالي عددهم برئاسة الجمهورية بگد الگشاش، وبروحتنا خلونهنسأل: اشلون يفتحون الرؤساء على نفسهم بالوقت الي يريدونيترشحون مره ثانية عيون، وحلوگ الشمات، والمتربصين،والضايجين، والمقهورين، والمتابعين، ما يدرون فخامتهم ودولتهمغلطة الشاطر بألف؟ عساها ببخت جدكم، وجد كلمن چان السبب.