أبو رافد مر من يم الشركة العامة لتوزيع كهرباء الوسطبشارع ستين بالحلة، دا يروح لبيتهم يم معمل النسيج، شافشباب، بنات وولد متجمهرين گبال باب الشركة، وگف سأل واحدمن الواگفين، شنو المظاهرات اجتي ليهنا؟. جاوبه لا عمي، أكوتسجيل على توظيف بأجور يومية. فإجه بباله ابنه الي مكملهندسة وگاعد يسترزق بچنبر بسوگ المسگف من سبع اسنين.شجع نفسه بنفسه ودخل للشركة، مر على صديق اله يشتغل بيها.شرب استكان الچاي، سأل، أگلك صدگ أكو بالشركة تسجيلتوظيف بإجور يوميه. نعم موجودة، بس يگولون لازم تدهنالسير ليگدام.لكن هي أجور يومية، علويش دهن السير.نعم أجور يومية بس وره فتره قليله يحولوهم عقد، وبعد العقدبفترة بتسهيل الله يثبتوهم، يمعود لا تستكثر الي يطلبوه تره واللهصار مكاتل لأن الدرجات محدودة، ويگولون قبل كم يوم جا نائبمن أهل الحلة ولو آني ما شفته سجل (٣٠٠) واحد والموظفينيحچون بيناتهم أنو مرفوعة أسماء للوزارة بـ (٦٠٠) من جوهالعباية.زين والمظاهرات والإصلاح، وين صارت؟.من كل عقلك المسؤولين راح يتوبون، هو كل هاي التحذيراتالي اجتي بالقرآن، والجحيم الموعود، ومنكر ونكير الي گاعدينيسجلون الزغيرة والچبيرة من ألف وخمسمية سنة، ومحد تاب،عاد تريد من ورة مظاهرة وحدة راح يتوبون... بس المظاهراتجابت نقش.صحيح وحتى النقش يجيب نتيجة مضبوطة مثل ما نريد لازمتستمر وتاخذ الي گبالها شلع قلع.