والله يا أمة محمد أغلب الناس حايره تريد تعرف الصوت، اليتخربط بمهرجان بابل أثناء تأدية بعض المطربين لوصلاتهم، واليخله الجمهور الي جاي متعني يضوج، ويطلع يهتف بعالي الصوتفشلتونه، وخلانه احنه المتفرجين البعيدين نسأل:هل هو بفعل فاعل، يعني مسويها واحد من بين المهندسين، أوالفنيين المسؤولين عن الصوت، بقصد، لأنه چان يشتغل خط مايلويه الجماعة؟لو نتيجة عدم معرفة بالقضايا الفنية، وخربطة غير مقصودة فيالضبط، وبدل ما اجوي يكحلوها عموها؟لو الصلاة الي أقاموها طلاب الدراسات الدينية بالحلة، علىالشارع الي يودي لمكان الاحتفال، همه الي اندعوا بصلاتهم تعطيلالأجهزة، والله سبحانه وتعالي استجاب الى دعائهم وعطلها؟لو كل المسألة وما بيها خلل فني صار، مثل ما يصير بكلالمجالات؟كل الاحتمالات واردة.وكلها تأكد أن إدارة محافظة بابل مو گدها، وما تگدر تسوي،ولا تدير هيچي مهرجانات، وينرادلها تنطي الخبز لخبازته.ومع هذا، فان الشي الإيجابي الوحيد بالموضوع، هو عودة مثلهذه المهرجانات الفنية، المنعشة للثقافة، والتحضر، والترويح عنالهموم بعد انقطاع طويل، وكل الي نگدر نگوله، ألف الحمد لله والشكر.