ولوْ بالنتيجة يفوخون أقصد كبار الكتل، والأحزاب الي ما تجيبنقش بالانتخابات بالمقارنة مع الي گبلها والي جابوا بيها الذيب منذيله، وخاصة إذا إجتهم گرصة إذن من الخوال، ووصية بأن لاتصيرون وكيحين.وراح تشوفوهم يرضون بالقسمة، بدل حصتهم السابقة،وزيرين وثلاثة، بوزير واحد أو وكيلين ومدير عام حصة هسه،ويگولون أنعم الله واشيجي فوگهن زايد خير، لان تعلموا علىالوجاهة، والأكل من راس الجدر، وما أعتقد بعد راح يگدرونيفارگون جدر البلاش، المنصوب، مهما صار.لكنهم لو يفتهمون يرجعون لقانون الكتلة الأكبر، ويفسروهصحيح ويذبوها براس الفائز الأقوى، لأنه منطقياً جاب أعلىالأصوات، فمن حق ناخبيه الأكثر عدداً تحميله مسؤولية الحكمأربع سنين.هسه تگلي يدبروها ما يدبروها هذا مو شغلنا، وأبو گريوه يبينبالعبر مثل ما يگولون، ثم تعالوا جاي ليش الي إجوي گبلهمدبروها مثل ما چنا نريد ورب العالمين يريد. دعوفوها عليهم،بلكت بيهم حيل ويعدلون الغلط مال كل هاي السنين، وإذا نجحوااحنه شنريد غير النجاح، وإذا فشلوا أكيد بالانتخابات الجاية ماراح يجيبون راس، ويوگعون مثل ما وگع غيرهم على فرش افاده،واذا بقينا على هذا الديدان يمكن راح ننتظر فد ثمانين سنة علما
تصير عدنا ديمقراطية ويكثرون عدنا العقال، وعاد (عيش يا حمارعلما يجيك الربيع).