الأمم تتفاخر بنفسها وبنظمها الديمقراطية، لكن من تتفاخر گولوفعل، فالبريطانيين مثلاً لمن صوتوا على الخروج من الاتحادالأوربي بفارق قليل، ورغم كل الاعتراضات من الأطرافالأخرى والصحوة الي صارت بالضد من الرأي الي يگول نطلع،أصروا على احترام الأصوات القليلة ولمن ما وصلوا الى رأيموحد راحوا للانتخابات وبعدها سلموا أمرهم لحكومة فازتبالانتخابات دا ترتب الطلعة المحتومة.الأمريكان يتفاخرون بديمقراطية جابت رئيس تاجر وتجارتهاغلبها مستنده على القمار والدعارة، والرجال ما ناكر، ولمنالدمقراطيين گالوا لزمنه عليه لزمه، احتكموا لديمقراطيتهموصلتهم لمجلس الشيوخ الي براه، واستمر يحكم بطريقتهالتجارية، والكل تأخذله تحية. الإسرائيليين الي يتنفسون من هواناويشربون من مينا، يفتخرون بديمقراطيتهم الي سجنت رؤساءمنهم بتهم فساد، وما قبلت تنطي حصانه لرئيس وزراء من تهمفساد وهو بالحكم. زين احنه بالعراق بيا ديمقراطية نتفاخر،الديمقراطية الي يستعين بيها رئيس وزراء بالمليشيات علىالشعب والدولة، لو يجون رؤساء وزراء أصلا ما داخلينانتخابات، لو مجلس رئاسة يختلفون أعضاءه على تحديد موعدلانعقاد جلسة برلمان.جاسم يگول علويش هالدوخة خو نرجع نتفاخر بأجدادنا الي چانوايشعلون نار للضيوف التايهين بالصحراء، وبعنتر الي حبته عبلهوهو اسود، وحاتم الطائي من ذبح فرسه للخطار والريس الي عبرالشط، وبانتصاراتنا بالحروب على شعوبنا، مو أحسن من دوخةالديمقراطية الي ما توكل خبز.أگول يمكن جاسم عنده حق.