إي يمكن الحد من التزوير بالانتخابات الجاية، لكن يا تزويرمنهن؟ الالكتروني يجوز، والحث والضغط على البعض قبلالتصويت، أن يصوتون لفلان هم يجوز، ويجوز يگدرون يكضونمزوري انتخابات (٢٠١٨) الي ثبت تزويرها، وطلعت الريحةلسابع جار، حتى لا يزورون. لكن اشلون يگدرون يسيطرون علىالشارع، وتوجهات شباب من جهات سياسية مشاركة بالانتخابات،وبالعملية السياسية في محافظات جنوبية بدت تشگگ دعاية،وصور كلمن مو منهم، أو مو وياهم.هاي اشلون واحد يگدر يداويها.صعب مداواتها، لأن التزوير مركب، ويتم بوسائل وفنونمتعددة، قسم منها مو على البال، والتزوير صار ثقافة للقوىالسياسية، وللمواطن المنحاز الي يحلل لنفسة، ويحرم على الغير،والثقافة لا يمكن تجاوزها بسهولة، وهاي توجهات راح تأشر النامو بس يصير تزوير، وكانه محتوم، وانما مدافر، ومگاوير،وچيلات، لأن الحزب، أو الكتلة الي ما تتحمل صورة مرشحمنافس، لمرشحها بالشارع، اشلون راح تقبل النتائج اذا طلعت موبصالحها.ثقافة بداوة، وجاهلية راح تستمر بالعراق فترة زمنية مو قليلة،يمكن أن نسميها مرحلة انتقالية، تمهد بعد عقود الى ثقافة قبول،وتنافس حر تسوي ديمقراطية أوادم.ومن هذا اليوم الى ذاك اليوم الي كل هاي الأجيال الي ما راحتلحگْ عليه، ما عدنه غير ندعي من الله يقصر مدة عقود الزمن،فد عقد ويهدأ عقول الاصحاب.