من واحد يفبرك خبر عن واحد مختلف وياه؛ أو يزوّر صورة عنمسؤول يعتقده مو خوش مسؤول، معناتها: حالته العامة وقيمهالاجتماعية بالحضيض.ولمن سياسيين كبار، يتناطحون بيناتهم، على مود الانتخابات،ويشْرُون الغسيل القذر على حبل السياسة القذر، ويوصل غسيلهمالمشرور للزوجات، والبنات، والاعراض معناتها الوضع السياسي،وإدارة شؤون الدولة واصل للحضيض.
ولمن أكبر مسؤول بكل تحركاته وأفكاره وآراءه، يحسب حسابنفسه وبس، ويجند المعية الي تحت إيده، لتحسين سمعته، وإعلاءشأنه وحده وبس، ويخلي أعلى الأولويات أمنه الشخصي، وسلامةالكرسي الي گاعد عليه، ويعوف مصلحة البلد، معناتها هو قرب أنيوصل للحضيض.ومن الكهرباء بحالة، تلعب ويه الشعب ختيله (تي وتغيب)، وربالعالمين فاتحها على هذا الشعب جهنم قبل يوم الحساب، رغم كثرالدعاء، ومضاعفة عدد المصلين، معناتها أنو الله مخلي الشعببالدرك الأسفل من الحضيض.ومن أغلبية الشعب ما يلقح، والڤايروس يفتك بيهم، ويطلع واحدعمره فوگ الستين يگول ما ألقح لأن يأثر على الانجاب، وآخرين مايلقحون الا بعد ما يلقح السيد دا يركضون وراه، گولوا تره احنهواصلين للحضيض.ومن كل هذا الضرب على الراس، والحديدة الحارة فوگ الراس،والغالبية مسلبدين، بالقسمة راضين وساكتين، معناتها إحنه فعلاًبالحضيض. والله الساتر من مرحلة ما بعد الحضيض.