سواها السيد مقتدى وراح أخذ جرعة اللقاح الأولى ضدالكورونا على الهواء وزين سوى، وخلفله عليه من سوى.وطبعا لمن نجي على الموضوع نشوف ماكو أحد سواهاگبله، لا من أهل الدين الي سكتوا وهمه أغلبهم ما خذيهابالسكتة.ولا من أهل السياسة، الي قسم منهم ماخذيها بالفعل همبالسكتة وقسم خايفين على نفسهم لا من ياخذوها تروحتضعف قدراتهم وبعد ما ينجبون أطفال وتخسر الأمة مننسلهم علماء وشعراء وأدباء ومكتشفين البلد بحاجة الهمخطية.بله أهل الدين ما عليهم عتب يگلك أنت تقدر الضرروالضرار وعلى أساسه تتصرف، أو بالمعنى العام أنت وربكيا موسى.
بس العتب كل العتب على أهل السياسة، مو تدرون شعبكميمشي على نظرية القطيع والحنديري ويريد أحد يمشيه ويفكرعنه بكل شي.ولمن تدرون وتسوون نفسكم أبو العريف وبكلشي تدرون، خوحتى لو انتوا ماخذين اللقاح بالسكته، وشفتوا هذا الگد منالعزوف، تگدرون تسووها من چذب، تجيبون المصورالخاص وهو خاص ما يحچي عن الخاص أي خاص وتمثلونچكة الابرة مثل ما يمثلون بالأفلام چكة بلا چكة، وآني أضمنالكم محد يدري، وحتى لو أحد درة ماكو أحد راح يصدگلأن اختلط علينه الصدگ بالچذب، وصدگوا لو واحدهمصدگْ هم ما يدير بال لأن الماشي على الحنديري ما تهمهالدنيا، المهم أحد يوصله للجَنةَ بلا عبادة ودوخة راس.