استعرضوا ربع الله بشوارع بغداد، بعدتهم وعديدهم وكلأسلحتهم وبملابس القتال النظيفة كأنهم متهيئين للاستعراضمن گبل.صار العتب على استعراضهم، وكثر الحچي بالداخل والخارجوزاد القيل والقال. والحچي الي لازم ينگال، هذا مو أولاستعراض للقوة بشوارع بغداد وباقي المحافظات، گبله هماستعرضوا سرايا السلام، بس أشوا ما نثار حول استعراضهمحچي مثل ما انثار على هذا الاستعراض.لا تگلي أكو فرق بين استعراض واستعراض، ولا أكواستعراض حلال وأكو غيره حرام، لأن الاستعراض ومن أيطرف ينحسب استعراض، وكل استعراض ما تدري بيهالحكومة مخالف للشرع والقانون. وكل مشي بالسلاح في
شوارع بغداد وبأي مدينة في العراق من غير أمر الحكومةحرام. وأكبر حرام:تخوفون الناس بعرض هلگد سلاح. وحرام يصير ازدحاموتتعطل المصالح والأشغال. وحرام تتمرمط هيبة الدولة فوگما هي متمرمطه. وحرام استعراض الربع يمكن أن يدفع غيرربع أن يسوون استعراض حتى يبينون همه الربع. يبين منطبيعة الاستعراض ومن الحچي الي دار أن الناس ما عاديهمهم الحلال والحرام، ولا يهمهم من همه الربع بعد ماكثروا الربع. الي يهمهم خاف وحدة من الاستعراضات، يشعربيها السيد آمر الاستعراض بالقوة ويتخيل تصفيگ الناس الهقوة، وتجي براسه يلتاف على ربع الدولة، وتعال يا عمي شيلني.