هواي انحچه على هيبة الدولة، ومن گد الحچي ما بقت هيبة.الهيبة عملية بناء، الجميع مسؤولين عنها:مو بس الحكومة وباقي مؤسسات الدولة.
256ولا بس الحاكم وكبير الياوران.أبداً حتى المواطن العادي وين ما كان ووين ما راح يكون هوالمسؤول، وتصرفه بالموقف المطلوب انعكاس على الهيبةسلباً أو ايجاباً.فمثلاً أمانة العاصمة لمن تنظفْ الشارع الي يمر بيه الضيفوتترك باقي الشوارع، معناتها دا تضحك على الموطنوالضحك في مثل هيچ حالات يقلل الهيبة.وبلدية النجف، لمن تصبغ رصيف وتخطط شارع لغاية الفتحةالي يندار منها رتل البابا معناتها تقشمر على الناس، والقشمرةوين ما تكون واشوكت ما تكون تهدم أركان الهيبة.ولمن عمو بابا الله يرحمه الي كان مدرب الفريق العراقيالمشارك في بطولة مرديكا سنة ١٩٨١ بماليزيا، وبعد ماگلولة قبل بدء لعبة النهائي مع فريق برازيلي أنو الماليزيينتره ما مخلين مكان بالمقصورة للسفارة العراقية، بينما مخلينمكان للبرازيلية، دگ رجل وگال أوگف اللعب أسحب الفريقمن اللعب وأتحمل المسؤولية لو هسه يسوون مكان لسفارتناوليگدام، وضل صامد بقراره وما لعب الا بعد ما گعدواممثلي السفارة بالمقصورة وبالأمام، وهاي معناتها مشاركةفي بناء الهيبة.منين نجيب زلم مثل عمو بابا دا يشوتون على الربع بلكتيعدلون گول الهيبة.