العراق خارج المؤشر العالمي للمعرفة. هذا المؤشر الي يقيسمستويات الانماء في عموم قطاعات التعليم. طبعاً بمؤشر هايالسنة طلعت سويسرا الأول وبعدها أمريكيا والثالث فلندا،وكلهم كفرة وتاليهم بالدرك الأسفل من النار.وبالنسبة للعرب اجتي الامارات أول وبعدها قطر ثم السعوديةوثلاثتهم ياما اتهمناهم بالتخلف والرجعية، وما نعتقد راحيدخلون الجنة لأنهم مو من الملة.ها لا تنسون اساتذتنا قبل التجهيل همه الي أسهموا بتأسيسمعظم جامعاتهم ودرسوا طلابها سنين وسنين. أما العراقالعظيم الأبي الي أبناءه ياما قاتلوا بالنيابة عن الأمة، وهسه دايقاتلون نيابة عن الملة، ماكو اسمه بالقائمة، يعني الانماءوالتعليم والتطوير فالصو، بس لا تضوجون أخوتنا المقاتلين
219
عراقنا العظيم ما زال موجود على مؤشر النضال الأممي،يحتل المركز الأول بعدد المقاتلين والفصائل المقاتلة وهذا هوالي راح يشفعلنه بالآخرة وطز بهاي الدنيا الفانية. الحلووزارة التعليم العالي تسأل الجامعات العراقية ليش اسم العراقماكو، وكأنها ما تدري صار اسنين رؤساء الجامعاتوالعمداء تعينهم الأحزاب محاصصة، والمناهج تغيرت طائفيةخالصة، وانفتحت جامعات أهلية خارج ضوابط وقوانينالتعليم الخاصة، والنجاح گوتره ترسب ويعيدون امتحانك الىأن تنجح غصباً عنك وعن أبوك.والله لو آني منهم أغَلِسْ، لا أسأل ولا أدوخ نفسي، هو إحنهبيها وبلياها رايحين للجَنه بعد علويش ندوخ راسنه وندرسونتافس ويه غيرنا ونبذل جهد. وبدل ما أسأل أكتفي بالگول:إرفع راسك أنت عراقي.