كلشي عدنه يمشي بالمگلوب.
سيارة تمشي عكس السير
.أبو البيت يبني مظيفه على الرصيف.
الموظفة تسوي ريوگ تشريب باگله بالدهن الحر بنص الدائرة.وغيرها وغيرها أعمال وسوالف جرتنه ليورة حتى نگدرنگول بعدلنه اشوية ونوصل حدود الجاهلية، والي دا يقربنه أكثروأكثر من حدود الجاهلية سوالف العشاير، وخاصة الگوامه،وأغرب قصص الگوامه:واحد يبوس صورة مرشحه، يفصل بـ(١٠٠ مليون دينار).واحد يتزحلك بباب البيت يدفع صاحب البيت عشرين مليوندينار فصل.طبيب جراح يسوي عملية لواحد، وهذا الواحد يموت بسببآخر ما اله علاقة بالعملية، يدفع الطبيب فصل مية مليون دينار.شرطي يرد على عصابه يكتل واحد من عدها يريدون منهفصل.جندي بالسيطرة يضرب طلقة على سيارة مارة ما وگف سايقهاللتفتيش يطلبون عشيرة السايق من الجندي أن يدفع الهم فصل.وهاي السوالف طبعاً سوت خوفة عند الطبيب وردة فعل عندالشرطي والجندي، وجفله عند المعلم وخفگه عند مدير الدائرة.زين تاليه اشلون الطبيب راح يداوينا، واشلون الشرطي يحميناوالمعلم يعلم ولدنا. وإنتَ يا شيخنا إشلون تقبلها على نفسك تبتزالطبيب، إي مو باچر تتمرض وتگوم تلوب بس تريد طبيب يمدإيده إلك.صدگ شتحطلها وتطيب!!!.