لو يجي واحد ويسأل اشلون صارت الحروب واشلون تعمالفوضى وتنتشر الأحقاد وأعمال القتل والتخريب بالمجتمعاتالبشرية، راح يلگه أحياناً وراها أحداث تافهه وأشخاص سذجما يدركون اشراح يصير، مثل ما صار ببغداد بقضية حرقفضائية دجلة آخر شهر آب. ونبدي من أولها، هسه أنتصاحب الفضائية محزوز ملزوز تبث طرب بعشرة عاشور،يا أخي احترم مشاعر الغير.إذا إنت مختلف وياهم حقك تختلف.وإذا ما تحبهم هم حقك لأن الحب من الله، بس لازم تجامل،وتحترم المشاعر لأنك قبلت تعيش بمجتمع متنوع بيه أغلبيهمو على مرامك، ثم يا أخي إنت مو زغيّر، تتذكر كلش زينحتى حكومة صدام كانت بيوم العاشر تسمح بقراءة المقتلوتسد النوادي والبارات، متگلي ليش تتحارش وتطلع الحيّةمن الزاغور؟. وبالمقابل الشباب والجهات الي زعلت منالفضائية واعترضت على دگايگها، ليش گبل تروحون علىالحرگ والتدمير، وتستخدمون اسم الحسين (ع) أثناء فعلالحرگ، وگدامكم فرصة تحققون ما تريدون وبشكل أقوىوأضمن، كان ممكن تتظاهرون وتنقلون صوت العقل
110
والاحتجاج على الغلط لكل العالم حتى يتعاطف وياكم، أوتقيمون دعوة قضائية وتنتظرون النتيجة، لو توگفون أمامالجهات الرسمية وتطالبون بسد القناة: واحدكم خنجرة بحزامهليش؟.لكن شنگول الخوف كل الخوف يوگعونه كبار الطرفين بفخالطائفية، ونلگة نفسنه نسبح بحر دم على أشياء بعد فترةنشوفها ما تستحق، ونندم عليها بس شيفيد الندم. وشنگول يالهبالمال ولا بالعيال، والله إلْيسْتر من المغطايات.