الناس بالناس والگرعة تمشط الراس: العراق مفلس، والأمنمفقود، والفساد منتشر، والسيطرة مفقودة ويجينه البرلمانيطالب الحكومة تسوي قانون للخدمة الإلزامية. خلونه نْقِلْعقلنه ونجي ويه المطالبين ونگول التجنيد راح يوفر كثرة منالمقاتلين واحنه بحالة حرب ويه الإرهاب. ليش هو احنه عدنهنقص بالجنود المطوعين حتى ندور مكلفين، ثم حربالإرهاب ما تحتاج كثرة بقدر ما تحتاج عقل ومهنية وأجهزةومعدات حديثة. وخلونه نتفق وياكم التجنيد الالزامي ينفع فيالتفاعل الاجتماعي، ويحسس ابن الرمادي أنه جزء منالعراق لمن يخدم بالبصرة، ويحسس الكردي بعراقيته لمايخدم ببغداد، وتساعده يتعلم عربي. ليش منو يگول الكردييريد يحس بعراقيته، المفروض تخلوه يثق بالدولة الأول،بعدين يا كردي بهذا الزمان يريد يتعلم عربي ويعوفكردستان دا يخدم بعربستان. تدرون التجنيد ينرادله فلوسومعسكرات وتشكيل وحدات تدريبية ونقل وسيارات وأرزاقوميزانية، والدولة ما شاء الله ميزانيتها تصوصي. وتدرونمن چانت الحكومة تزيّنْ بالموس ومن چان أكو قانون، بآخرأيامها المجندين الفراريّة تارسين الشوارع عاد هسه اشلونواحنه صرنه فالتون.
106
وداعتكم إذا شرعتوا هيچ قانون بهذا الوقت، راح توگعبروس ولد الخايبات، ويطلع منها ولد الحبيباتْ، ويصيرالتجنيد تجاره يمتهنوها البعض ويعوفون القتال.فالأحسن أجلوا القانون للمستقبل بلكت يكون الجاي أحسن منالي راح... نگول بلكت.