واحدنا اشگد يدوّر على سبب مقنع لهاي العطل الي نتمتع بيهاطول السنة مو سهل يلگاه.ولمن يدوّر على التأثير السلبي لهاي العطل لا يمكن أن يلگاه.وأذا لگاه يستحي لو يخاف يحچيه.خلونه نعوف السبب ونركض وره التأثير يمكن من الإجابةنگدر نقدر الضرر ونشوف حجم التدمير، بلكت نتعض وما نروحزايد، وبهذا المجال نسأل:
32ليش هو الإنتاج مالنا هلگد زايد حتى نكثر العطل ونقللالانتاج، لو المخازن مالتنا انترست وما بقه بيها فراغ حتى نعطلدا يقل الإنتاج.وقابل إنتاجية العامل مالنا سجلت أعلى إنتاجية عامل بالعالم،حتى ننطيه المزيد من العطل ونكثرله المناسبات.أشو والحمد لله دا يطلع بالاحصاءات الدولية الي تنشرهامراكز دراسات معتبره أن انتاجيه العامل عدنا دقائق باليوم.وليش الموظف مالنا مكمل الشغل الي يوصله طول اليوم، أشوكتابين صادر ووارد يذبهن بالمجر يخليهن لليوم الجاي، وتدقيقمستمسكات مراجع يگله تعال باچر، وإذا ظلينه ننطي عطلاشوكت راح ينجز المعاملات واشوكت يكمل المشاريع.أگول حتى ناخذ بعد عطل وحتى تكمل فرحتنا ويهل الهلالأكو فد مقترح إزغيّر للساده أصحاب الشأن:من تنطون عطله يرحم أبيكم لا تگولوها بعد الساعة (١٢)بالليل، تدرون بينا ننام من وكت من گد التعب بالشغل