إخذوهة حچاية من مجرب، وخلوهة ترچيه بإذانكم مثل مايگول أبو المثل، والي هي كلمن يگللكم تصيرلنه چاره لو يصيربراسنه خير ونْسَويْ الإصلاحات إلي ببالنهَ، ونبني وطن منصدگ مثل ما بنت باقي الشعوب والأقوام بهذا العالم قبل ما:
30نبَطِل عادات قبيحة مثل من نمشي بالشارع نِتفِل بيه.نشرب قوطية الببسي وانذبها من السياره.نشمر الچياسة الفارغة مال الأكل على الطريق من نروحللزيارة مشي أو لمن نطلع مظاهرة ونطالب بالاصلاح. وقبل ما:نجوز من التجاوز على الشارع والرصيف والحديقة الي يمبيته. يجوز عامل البلدية الي يكنس الشارع من ذب التراب الييكنسه من الشارع على الرصيف الي نمشي عليه. نترك عادة فتحكل الايركوندشنات بالبيت من تجي الكهرباء. نبطل انتخاب ابنالعشيرة والطائفة وكت الانتخابات. نرجع ندفع قوائم الميوالكهرباء. ما نفرق على أساس الطائفة والقومية والدين. ما نداهنالمسؤول الچبير، ولا نصلي رؤية وارضاء للحاكم والرئيس. مانحچي وجهين ولا نوزن بميزانين. يبطل قاضينا سماع حچيالسياسي وياخذ بتوجيهاته.تدرون إذا بطلنه هاي السوالف العوجة، راح تهدأ النفوس،وكلمن يعرف حاله ويقبل الـ گباله، وبالنتيجة راح تجينهَالإصلاحات ليمنه، وحتى ما راح نحتاج نطالب بيها ولا ينبحصوتنا عليها، على الخالي بطال. وبعكسها ترهَ حتى البنيان اليبنوه أهلنه خلف الله عليهم، راح ينهدم فوگ روسنه، وما يصلحهحتى الحمزة أبو إحزامين.