المرأة إلي تعصي رجلها بشرعنا تصير ناشز.الناشز في الدين والشرع يعني وضع المعلگ.ليش هذا الحكم، وإذا كان ينسجم ويه العصر لو لا ما ينسجممو موضوعنا، لكن أريد آخذ معناه وأحطه بالسياسة اليصارت مجال الكل تفتي بيه حتى اشعيط ومعيط وجرارالخيط هم دا يفتون بالسياسة.واذا أفتينهَ وطبقنهَ على نفسنا معنى العصيان والنشوز راحنشوف إحنا شعب ناشز، لأن:الي ما يدفع أجور المي والكهرباء عاصي يعني ناشز.وإلي يتجاوز على الرصيف والقانون، والي يبوگ ويغشويزوّر ويخون ناشز.والي يوگف ويه الغلط ويسكت عن الحق وينحاز طائفياً ناشز.
74
والي ما يداوم لو يسخّت بالدوام والي ينطي فلوس حتى مايداوم أو ياخذ فلوس حتى ربعه ما يداومون والراشيوالمرتشي ناشز.والحاكم الي ما يقوم بواجبه مضبوط والمحكوم الي ما يسويواجبه صح والراعي الي يظلم والي يتجاوز من الرعية ناشز.وعلى هالرنه اذا حسبنهَ نسب نفسنه احنه النواشز مضبوطنطلع أغلبية ساحقة.المشكلة مو بالأغلبية.المشكلة وين احنه رايحين.