صدگ من گالوا أجدادنه بأمثالهم، (نطوف على مي الكروش)لأن بس نسمع شي أو نشوف شي كليتنا نگب فد گبه ونحچيبالموضوع ومرات ياخذنه الزوم ونفتي بيه وكأننا أهل الآنهأو من حبال المضيف.أتذكر قبل كم سنه طلعتْ برلمانية من ذني الي وصلنالبرلمان شيش عوازة، بمؤتمر صحفي وگالت ضيَعُونهَوباعوا خور عبد الله، هواي من عدنهَ صدگوا من كل عقلهموعلى طول تحَزِمَتْ الزلم والنسوان لفن عبيهن، وصاحنسوية أويلي الخور، راح الخور. ومن بعدها طلع النه ميناءالفاو وبچينه عليه سنين، والربط السككي ما نسيناه، واتفاقيةالصين العظيم ما فارگتنه فد يوم، غير الگمارك والحدودولعب المليشيات على المكشوف، والطرف الثالثبالمظاهرات والميزانية الي أخذت من عدنه سير وسريده.والسائل يسأل وين راحت ذيچ الگبة واشصار من ذيچالمشاريع، عبالك واحدنا مو بس ما يدري وانما خدران ماداير بال للي راح والي راح يروح. نسينه بگباتنا:نص شط العرب راح لإيران.
14
والحدود من الجنوب مع جارتنا وشقيقتنا الكويت زحفت چممره وآخر زحف بلع نص أم قصر ومزارع صفوان.ومثلها من جهة الغربية (٨٠) كم للأردن الجار الشقيقوننتظر تركيا شراح تسوي بعد ما تمركزت قواتها بكردستان.بالله عليكم لو نسكت وبعد ما نطوف مو أحسن، على الأقلنحافظ على هاي الشوية الي باقية عدنا ودنيانا واگفهَ علىگرن ثور.