أكو مثل عراقي يگول الناس بالناس والگرعة تمشط الراس،والناس إحنه الي ماخذتنه الدنيا، والگرعة أخوتنة البرلمانيين اليما يدرون شكو بالدنيا شكو... صدگ ليش هو شكوا؟.قبل فترة شرعوا قانون عن حجب المواقع الإباحية... إي وشنويعني وشكوا؟.ذكرني هذا التشريع بوحدة گوادة بمدينة الشعب، عجز جارهاأن يشيّلها من البيت لأن منتچية على واحد سياسي مسؤول.طشت السالفه وكبرت، فختيارية الشارع عافوا الگوادة وچلبوابالجار واجوي عليه، گلوله الحل الوحيد هو انت الي تشيل.عرض بيته للبيع ولان البيت بصف السيدة الگوادة نزل سعرهللنص مو كرها بالگوادة (حاشى لله) لا، استغلال موقف.وبقت السيدة ببيتها، ورجعت مشاكل الشارع نفس الشي.عاد هسة ولا البرلمان، ما حل مشاكل الشباب، والاختلاط،وتصريف الطاقة، ووقت الفراغ، على طول راح للنتيجة.وفوگاها حجي مالك يگول المهم بهذا القانون، الجماعة رَضوّاربهم، ورَيَحوا ضميرهم، واحنة بجالهم هم إرتاحينهَ بعد ما نباوعمواقع، وراح ننام رغد لأن ولِدنه بعد هم ما راح يگدرونيزاغلون ولا يسوون مكسرات، ويحملونه ذنوب نروح من وراهاللنار.لعد ليش ما يسوون قانون يحل مشكلة البيوت المشبوهة اليترست المحلات السكنية، ويرضون ربهم؟.ما يگدرون لأن كل بيت منهن وراه مسؤول لو قائد مليشيامحنك.