حجي علي من أهل الراشدية أباً عن جد، رجل وميسور وعندهأرض ملك بالمنطقة، بأيام الطائفية طالع من بيته بسيارته رايحالى بغداد وبطريقة لگة شباب من ولد عمهَ لازمين ست شباب منأهل الحسينية ممدديهم على القبلة وخالين سچاچين على رگابهم دايذبحوهم.- ولكم إشدا تسوون، يا بالله عليكم.- ذوله شيعة اختطفناهم ودا نذبحهم.- يمعودين شلكم بهاي الطلابه.- وإنت شعليك؟.- إشلون شعليه مسلمين وعراقيين والله ما تذبحوهم الا علىجثتي.المهم خلصهم ووصلهم بسيارته لمنطقتهم لطريق وكملمشواره الى بغداد. بعد شهر، اثنين من ولد عمه انخطفوا وانذبحواقريب من مدينة الثورة. وراها بأيام اجتي قوه اعتقلته بتهمةالارهاب. تعذيب الليل والنهار تعال اعترف وما خلص نفسه إلابعشر دفاتر. وبعدها بشهر إجته قوة أخرى وياها أمريكان واخذوهبتهمة الانتماء الى القاعدة وتعذيب أكثر. مرته باعت كل أملاكهم
227ودفعت عشر دفاتر أخرى وتگول بگدهن مرتين دفعت الىالنصابّهَ. ومن طلع عرف گرايبه واشين بيه ومفلشين بيتهوحارگين بستانه وگايلين صاير شيعي بعد ممنوع يطب المنطقة.گعد بأربيل أخيراً طلعْ عنده سرطان. گلولة الأطباء روح للأردن.ما عنده فلوس، مرته دا تفتر على أصدقاءه تتوسل تحاول تجمعلهفلوس. وصارت تهذري (ولكم هاي اشلون بلشه. سني ينقذ شيعة.يدمروه سنه. يعذبوه شيعة. كان زنگين ما عنده فلوس الدوة(.