گعدنه نحچي على واقعنا وبعض العادات والتقاليد الياستشرت بالمجتمع، ومن ضمن الگاعدين طبيب أستاذ بكلية طببغداد، گال يمعودين قسم من عدنا حتى احنه الأطباء أصابهمالتخلف حالنا حال الجهلة. سأله د. سالار إشلون دكتور؟.گال أحچيلكم شغله صارت وياي، وآني گاعد بغرفة الأساتذةأنتظر وقت محاضرتي، وبصفي گاعد أحد الزملاء طبيب أستاذ،خشينه بنقاش سياسي تطور وصار صياح، ومن صار صياحتركت الغرفة وطلعت للمحاضرة.ثاني يوم رئيس القسم گال أصالحكم، گتله يابه آني ما عنديمانع لأن المسألة أساساً عادية وما متسوهَ. أشو بعد اسبوع اتصلبي واحد ما أعرفه، وگال جيب عمامك عدنهَ گعده يم فلان.سألته، ليش شني القصة، أكو أحد من عائلتنا قاتل أحد منعشيرتكم؟.جاوب: لا، بس لأنك رفعت صوتك على الدكتور حميد، وهايعليها گوامه. رديت: يابه هذا نقاش عادي. جاوبني، لا هذا موعادي، انت قاصدها تستنقص من قيمة واحد من العشيرة.يگول اخذت وياي اثنين اطباء ورحت، لگيت أساتذه وأطباءومتصدرهمْ واحد معگل يگولون شيخ العشيرة.سأل وين عمامك؟. جاوبته ماكو داعي أجيبهم، آني عندي استعدادأناقش الموضوع الي هو بالأصل ما يستحق النقاش.گال: لعد ما توصل لبيتكم. جاوبته، وأقصد الگاعدين كلهم:شوف راح أوصل وشتريدون سوو، بس العتب مو عليك علىالأطباء الي وصلونه لهيچ مستوى. طلعت وبعدنه متگاومين واحنهالاثنين أطباء مهنتنه انسانيه لعد لا عتب على غيرنه.