عدنا راتب تقاعدي وعند باقي دول وشعوب العالم كلها راتبتقاعدي. راتبنا لغاية (٢٠١٧) نستلمه كل شهرين، وبأغلب دولالعالم كل اسبوع. هنا يروح المتقاعد برجله للبنگ لو لمكتب الكيكارت وبالعالم ينزل الراتب بالحساب وهو گاعد بالبيت. هناكيسحب الي يحتاجهَ ويعوف الباقي مضموم. هنا ما يأمن لا بالبنگولا بالشركة ولا بالدولة، وما يرتاح الا يسحب كل فلوسه ويخليهاجوه راسه. وحقهَ لأن الكل عينهم على الكل وواحد يبوگ اللاخحتى الجهات الرسمية تبوگ بعضها البعض.وباحد اشهر السنة المذكورة واني رايح الى مكتب الكي كارتاسحب راتبي تفاجئت يسمحون سحب جزء من الراتب والباقي
203يگولون بعد (٢٤) ساعة. يعني الراتب خاصة العالي يصير أربعسحوبات لأربع أيام.- أخي ليش هذا الشي.- تعليمات حتى الشركة تحمي فلوسك من النهابهَ.- وانتم شعليكم فلوسي وأريدها هسه.- ما ترهم لأن الكي كارت مبرمج ما ينطي غير دفعات.- عمي قنعني ما دا أقتنع.- مثل ما أگلك أكو عصابات تلحگك وتاخذ فلوسك.- هم أگول شعليكم.المهم تبين الصدگ مو هيچ وانما عملية نصب بطلها البنگالي ياخذْ على كل سحبه ألف دينار والشركة ألف وكلما تزيدالسحبات يزيد الأخذ وأنعل أبو سبع ملايين متقاعد. شايفين اشلوناحنه شطار على بعضنا.