الدكتور جودت أخصائي باطنية، صديق قديم، گال قبل ماأروح للعيادة إجوني للبيت أقارب من الهاشمية حايرين ومايعرفون شيسوون.سألتهم يمعودين خير شني القصة وضعكم مقلق.جاوبني إبن خالي، وگال أبويه وگع فجأة وشخصوه الأطباءبالحلة حالة سرطان، وكتبوله دواء على شكل أبر دورناها بالحلةما لگيناها، وهسة افترينه نص بغداد هم ما لگيناها، اضطرينهنجيك لأن ما عدنه غيرك بلكت تعرف صيدلية عدها.گال بدلت وطلعتْ وياهم مهمومْ وأول ما فكرتْ بيه مذخرأدوية (س) صاحبه طبيب كان تلميذ بورد عندي. تعنيت عليه أولواحد، والرجل رحبْ بيَّ وضيفني وگال گول استاذي. آني همكيفتْ گلت سهلها عليَّ وگتله هذا الدوه أدوّرْ عليه.باوعه زينْ وگال والله استاذ هذا الدوه ما عدنه بالمذخر.عفته ورحت إلى صيدلي أعرفهَ أيضاً من زمان. گال نفس الشيعبالك متفقين.واني طالع من الصيدلية، سمعني واحد سكرتير عند أحد الأطباءالقريبين، دا أحچي بعصبية والظاهر يعرفني، فسألني دكتورشتريد؟. أول مره ما درتله بال، بعدين گلت خلي أضيّعْ حچايه شنوالي خسرانه: أريد هذا الدوا. گال سهله الأبرة بثلث أوراق.
214جيبلي أربع إبر. ومن جابهن سألته منين، گلي من المذخر (س)الي هو مال تلميذي، والي قبل اشويه گال ما عندي. أخذتهنورجعت لتلميذي النجيب وگفت گباله وكل الى گدرتْ أگوله ليشْ.