مناف ابن أحد الأصدقاء المقيمين في لندن، شاف اعلان
بالصحف طالبين شرطة في لندن، والمواصفات الي طالبيها
تنطبق عليه، وهو يحب المهنة فراح قدم.
بدأ فحوص، وما ضل فحص طبي عضوي ونفسي ما فحصوه،
وبعد ما نجح بالفحوص والمقابلة التحق.
بعد سنة سألت أبو مناف گلي وين دا يداوم مناف.
- يمعود لحد الآن في مرحلة التدريب والاعداد، يكمل دورة
يدخل أخرى.
- شنو دا يبنون برج لو دا يخرجون ضابط، هو شرطي.- لعد تريدهم يلهوگوه تلهوگ مثل جماعتنه، وتاليها يطلع
واحدهم عاله على الشرطة مو عون الها.
اشلون بله ما افتهمت؟.
بنت أخوي طبيبة بمستشفى اليرموك، تگول فد يوم دورية
شرطة جابت شرطي مصاب بشظايا عبوه ناسفه وبآخر نفس،
كِشَفِتْ عليه شافته منتهي، وماكو فايدة يدخل غرفة العمليات
ردوا عليها الشرطة المرافقين كلهم، لازم يدخل ولازم تسويله
چاره، وتگول عدت فحصه ثاني وثالث وأكدت الوفاة من نزفالدم الشديد وماكو فايده، أشوه من گتلهم تشخيصي هذا بدوا
ضرب ودفرات الى أن فقدت الوعي، ومن فقت بعد ربع ساعة
لگيتهم مدديني بصف جثة صاحبهم.
أبو مناف ختم حديثة بطريقة ما تخلو من العجب وگال:
شرطتنا لو مفحوصين زين قبل ما يقبلوهم بسلك الشرطة ولو
متدربين تدريب حسب وظائف الشرطة ما كان يسوون هيح؟.