هسه مو دولتك إجيت بقوة دفع كلش زينه، وكلها گالت بصوت علي: فوت بيها وعلـ ... خليها، أشو هم رجعنه الى سياسة الترضية، يطلع السيد من حومة البنگ المركزي الى تطشرت بزمانه فلوس العراق وتهربت لإيران الظهر الأحمر، ويخش خيمة الحكومة من الزاغور.ومو بس هو، أغلب الي طلعوا من الباب رجعوا من الشباك.معقوله بهذا العراق كله ماكو غيرهم، وماكو جيابه جابت مثلهم حتى تجيبون وتداورون بيهم.هسه لو واحدهم فاتح چنه قلعة.لو مشارك بالقادسية الأولى.كان گلنه ومن طيب خاطر: يابه ميخالف عنده حق إلهي في البقاء بالمقدمة كل العمر.معقولة بهذا العراق ما يرجع المسؤول الأعلى في الدولة على تقييم الأداء خلال مسيرة العمل لأي أحد ينوي بتعيينه في المناصب العليا للدولة.معقولة ثلاثة وعشرين سنة، وكل هاي الإخفاقات للمسؤولين بكل المجالات مو كافية أن يقال فلان زين، ومن الواجب علينه نچلببيه، وفلان مو زين خله يروح الله وياه.
معقولة كل هذا الخطأ الي دا يحدث ويتكرر حدوثه بتعاق بالحكومات ما نعرف هو بسبب اعتقاد الأحزاب انها تملك العراق،وهو نفس الاعتقاد الي كان موجود بعقل الديكتاتور.