الشي الزين الي سواه السيد رئيس الوزراء بشهر العسل مالته هو الغاء قيادة العمليات المشتركة.تشكيل موازي شكلوه الجماعة بحجة محاربة الإرهاب حتى يسوون قيادة عسكرية بإديهم ما تأتمر بأوامر وزارة الدفاع اليهي معنية بقضايا الحرب والي يحسبوها مع الأسف مو الهم.وحلقة زايده بسلسلة القيادة والسيطرة، وتداخل بالمهام مع وزارةالداخلية المعنية بالأمن الداخلي، وصرف فلوس بدون وجع گلب،وكوام رتب من الألوية والفرقاء والمخصصات والحمايات.خطوة صحيحة بالاتجاه الصحيح كون تستمر بنفس قوة الزخم،حتى بعد انتهاء الشهر.
لأن المعروف بمجتمعنا بعد ما ينقضي شهر العسل يرجعون العرسان لطبيعتهم الأصلية، واحد يجر بالطول وواحد يجرب العرض.وندعو من الله وقبل ما ينتهي هذا الشهر كون ينطيه القوة وَيّنَزِعْ الفصائل سلاحها، ويرجعها للطريق الصحيح، حتى يخلص العراق المبتلي بيها من أسوء كابوس يمر بيه من تأسس دولة الىهذا اليوم الي أصبح بيه في حال ما ينعرف هل هو دولة لو مودولة.