إذا كل محب للمقاومة حسب حچي المقاومة الي وصفت بيه السيد محمد السعدي الي اعتقلته أمريكا: تعتقله، وتصرف عليه هلگد فلوس وجهود، معناتها راح تفَلِسْ وتگعد على الحديدة، مثل ماگعدت دولتنا الي تقاوم بعض أطرافها، خيطرانه لصالح دولة غير دولتهم.السيد حسن يگول:هذا اشلون حچي، ليش المحب تنطيه الدولة جواز خدمة ما ينطي گوتره، وكتب رسمية للحصول على تأشيرات أوربية يشط بيها ويبط. ويكمل:
عمي عوفوا هاي التبريرات والتنصلات، ما بيها فايده، خلوكم بالآثار الجاية وانعكاساتها على الدولة العراقية:وأولها أبو جاسم، راح يكت الأول والتالي، ويملي للأمريكان كل الفراغات المعلوماتية الي باقية بأضابير الرفاق الموجودين بالدولة، ومسوين نفسهم گاعدين على كتر، وهمه مسخرين جهودالدولة وأموالها لمثل هاي السوالف.وثانيها تهمة أبو جاسم إرهاب دولي راح تلزم على الدولةوالاطار الي يحكمها لزمات تضيفها على لزماتها السابقة، وتبدي تخنگهم واحد وره الآخر.وبالأخير يصفن السيد حسن ويهز بايده:أگول هذا غير مقاوم، يتصل بأجانب، ويكلفهم بأعمال تفجير وغيرها، وينطي حفنة دولارات الى واحد ما يعرفه منين ما منين،ولا يدري بيه ضابط أمريكي جاي حتى يزحلگه.صدگ هزلت!!!